Numbers 21
Ahi Sakin Amot Tisa Keil Avat Me-Isrel Keil
Namba 21:4-9
4Me-Isrel keil alokovein Vatihou Hor ka amusil sise koa va en Atas Hilhili. Amumoni mukonek ven evati avaka rahit atan esen me-Edom keil. Ka navong amul semau en sise, tine tamure. 5Sakini aselus kutut kat Ahi ka Mosis avit, “?Vensa kokulat komai ran out Isip ka komulamun komai en out volvol mevamatmat? En out enek, anien ka oai tovuol varei. !Anien tisa enek, emairovattei mun!” 6Sakini Ahi sakin amot tisa keil houlu uva ven keil ka akat houlu en me-Isrel keil umatmat. 7Navong amul umatmat mukok, keil umai ven Mosis ka avit lat tisaen one avit, “Komai memum tisa navong meselus kutut kat Iahova ka keik. Kihis eli min Iahova hekulat amot keil ihaha.” Sakini Mosis vis ven meatin keil. 8Evus, Iahova viteni min Mosis vit houmon hati aean tai hekur niniven amot ka heti kati hel en ai tai. Hesakini navong amot heat meatin tai, helele hehina nesa helesi ka hemai ris hetahos. 9Sakini Mosis mumon amot tai en aean tai koa avise en brons ka muti kati en ai tai. Ka meatin keil koa amot kat keil, navong alele vina nesa ales amot enek, umai ris atahos.
Copyright information for
PMA